Në orët e vona të mbrëmjes të së dielës (6 mars) nisi procesi i numërimit për zgjedhjet e pjesshme në 6 bashkitë e vendit.
Sipas Komisionit Qendror të Zgjedhjeve në Lushnjë nisur nga rezultatet në kohë reale në avantazh është kandidatja e Partisë Socialiste Eriselda Sefa, e ndjekur nga kandidati i ‘Shtëpisë së Lirisë’ Ilir Bano dhe kandidati i Partisë Demokratike Indrit Sefa.
Nga 157 kuti votimi, deri më tani janë numëruar 122. Eriselda Sefa e PS-së kryeson me 16034 vota, i dyti renditet kandidati i “Shtëpisë së Lirisë”, Elton Bano me 8720 vota ndërsa i treti kandidati i PD-së, Indrit Sefa me 2948 vota.
Ndërkaq, në bashkinë e Vorës falë votimit elektronik rezultati ka dalë më parë se bashkitë e tjera, ku u shpall fitues Blerim Sheraj.
Sheraj ka siguruar një avantazh të thellë përballë rivalëve të tij, pasi ka marrë 7530 vota, ndërsa Lulzim Vrana i Shtëpisë së Lirisë ka marrë 2598 vota dhe Ymer Marku i PD 687.
Ndërkohë, ka pasur edhe qytetarë që dhënë opsionin ‘asnjë’, ndërsa të tilla kanë qenë 209 vota.